सोनपावली नववर्ष
व्यथा मागच्या वर्षीची
पुन्हा आणू नकोस संकटे
दिशा दाखव संपन्नतेची
अंधारात घरात बसणे
टांगती तलवार काळाची
तोंडालाही फडके बांधणे
घुसमट आतल्या श्वासाची
जथ्थे निघाले लोकांचे
लढाई सारी जगण्याची
कोण कशाला निस्तरावे
वेळ फक्त निभावण्याची
बातम्या साऱ्या ताऱ्यांच्या
पूरात तळमळ शेतकऱ्यांची
वाट संकटी वादळवाऱ्याची
माणसाच्या असहायतेची
पुन्हा वाहू दे प्रसन्न वारे
भ्रांत मिटो रोजगाराची
फळू-फुलू दे शेती सारी
सोनपावली नांदी नववर्षाची
अर्चना मुरूगकर.
टिप्पण्या
टिप्पणी पोस्ट करा