आजच्या सावित्रीच्या अपेक्षा
शेणगोटे समाजाचे
पराकाष्ठा साहण्याची
शिक्षणाला योग्य साथ
ज्योतीबांना सावित्रीची
जन्म तुझा गौरवाचा
आम्हा तुझ्या लेकींसाठी
शिक्षणाचा दिला वसा
सुधारणा साऱ्यांसाठी
बांधू नका स्त्रीला आज
वृथा रूढी बंधनात
अर्थ जीवना व्यापक
स्वप्ने आणूया सत्यात
खरा हक्क स्त्रीचा तिला
देऊ समाज घरात
नको सीमा शिक्षणाला
समानता निर्णयात
जरी शिक्षण मिळते
मिळो सारे मान तिला
नको निर्भया समाजी
जगू द्यावे बालिकेला.
अर्चना मुरूगकर
टिप्पण्या
टिप्पणी पोस्ट करा