भूजंगप्रयात गझल

-

 



लगागा लगागा लगागा लगागा


सुखा सोडुनी वंचना मागते मी

उसासे चिकाटी जरा साहते मी


झऱ्याची पहाडी उडी जाणते मी

अशी ओढ आता खरी ठेवते मी


विचारातल्या जाळती तप्त ज्वाळा

फुलासारख्या ओवुनी माळते मी


जगी पाहुनी वर्षणाऱ्या ऋतूला

पृथेचे नवे रंगणे पाहते मी


जगा वाटते ही फुकाची मुजोरी

प्रतिष्ठेस माझ्या तरी राखते मी


अर्चना मुरूगकर

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

धबधब्यावरील अपघाताची कारणे व उपाय*

-
इमेज
  धबधब्यावरील अपघाताची कारणे व उपाय * धबधब्यावरील अपघातांच्या घटना या मनाचा थरकाप उडवणाऱ्या असतात.टी.व्ही वर नातेवाईकांचा दाखवला जाणारा विलाप सहवेदना निर्माण अरणारा असतो. का? का? का गेले असतील हे? हा एक क्षण टळला असता तर? कशाने तरी ती छोटी मुले वाचली असती तर? हे पुन्हा , पुन्हा मनात येते. अनेक ठिकाणी या घटना नेहमीच होत असतात.रात्री उशिरापर्यंत, पावसापाण्यात जखमींना किंवा पार्थिव शरीरांना शोधणाऱ्यांचीच काळजी वाटते. एवढा निसर्ग त्यावेळी अनियंत्रित झालेला असतो.लोणावळ्यातील घटना, मागच्या वर्षी हरिश्चंद्र गडावरील पावसात अडकलेली मुले,त्यात गेलेला एक छोटा मुलगा.गड चढताना होणारे अपघात ,हे सगळे आठवत असते.मध्यंतरी एक रीलस्टार मुलगी गेली.  या सगळ्यामागे वेगवेगळ्या मानसिकता आहेत. तरी आनंद मिळवणे हा एक समान हेतू आहे. ऋतूबदल हा मनाला सुखावणारा असतो. निसर्गाचे विलोभनीय  दृश्यही सगळ्यांनाच भावते. माणूस रोजचे रहाटगाडगे ओढत असताना अनेक आनंदांना मुकतो. अचानक कुठे तरी हे वेगळेपण पाहून उत्सुकता, आवड वाढत जाते. त्यात तो गुंतत जातो.  आनंदाच्या कल्पना आता बदलत आहेत. तरूण - तरूणी बाहेर शिक्ष...
अधिक वाचा

हायकू

-
इमेज
 हायकू    'हायकू' महणजे तिन ओळीतील बंदिस्त लिखान. ती खूप ओळींची कविता नाही की अनेक प्रसंगांची कादंबरी.     'एक क्षण'.... त्यावेळचे चित्र आणि त्यामुळे कवीच्या मनात उमटलेल्या उर्मी. हायकू ही क्षणिका आहे.. अनुभवाच्या चरम अनुभवाची. हे हायकू 'चित्र हायकू' च्या स्वरूपात इथे पोस्ट करत आहे.  *काव्य म्हणजे काय?  *चहा हे फक्त पेय नाही तर अनेक गोष्टींचा साक्षीदार आहे. मित्र मैत्रिणीं सोबत घेतला तर जास्तच आनंददायी आहे.       *प्रभातसमयीचे दृश्य  सर्वांच्या मनाला भावते. सूर्याचा प्रकाश सगळीकडे पसरतो. कुठे सडा, रांगोळी तर कुठे पक्ष्यांची किलबिल. *'नंदादीप' ऐकूनच पावित्र्य जाणवते. मंदिरात, देवघरात शांत तेवत असतो. मनाला स्मरणाने ही आनंद देतो.  * बालपणात आकाशाला गवसणी घालण्याची स्वप्ने मनात असतात.  परंतु अभ्यास, टक्केवारी यांच्या दडपणाखाली स्वतंत्र जगण्याचे विचार नाहिसे होतात. पुढे ती उमेद हरवते.  *अनेक मुली स्त्रिया फेसबुकवरच्या प्रियकराच्या जाळ्यात फसलेले पाहतो. काही वेळा त्यांना आर्थिक त्रास झाल्याच्या बातम्याही वाचतो. तर...
अधिक वाचा

मावळ सौंदर्य आणि सोनकुसूम पुष्पौत्सव' :

-
इमेज
'मावळ सौंदर्य आणि सोनकुसूम  पुष्पौत्सव'    :                 नोकरीच्या निमित्ताने मावळात रहायला आलो ,आता मात्र अगदी मावळाच्या आम् ही प्रेमातच  पडलो. इथे उन्हाळ्यात अतिशय थंडगार हवा असते. पावसाळ्यात तर दृष्टीचे पारणे फेडणारे निसर्ग सौंदर्य सर्वत्र दिसून येते. हिरवेगार गवतांचे गालीचे, डोंगरावर उतरलेले ढग,सतत पडणारा पाऊस,खळाळणारे झरे ,धबधबे मावळात असतात.दरी, डोंगर,नाले सगळे काही पावसाने कंच भिजलेले.छत्रपती शिवाजी महाराजांचा अभिमान ज्यांच्या उरात भरलेला आहे असे सर्व आधुनिक मावळे गड-किल्ले सर करत असतात, दऱ्या-खोऱ्यांमधून फिरत असतात. पावसाळी पर्यटनाचा आनंद घेण्यासाठी लोणावळा-खंडाळा, भाजे लेणी, लोहगड, खांडी धबधबा, कोंडेश्वर याठिकाणी पुण्या-मुंबईच्या पर्यटकांची अगदी गर्दीच असते. रस्ते वाहनांनी फुललेले असतात.           हिवाळ्यातही अतिशय प्रसन्न भासतो हा मावळ!  हिरवेगार डोंगर ,पांढरा स्वच्छ प्रकाश,निळेशार विस्तीर्ण आभाळ!              ...
अधिक वाचा