राम

 

राम मनातील जागा होतो

मनुष्य साधा कश्चित् किंचित

चुकतो शिकतो नवीन घडतो

विवेक संयम पाळत जाता

राम मनातील जागा होतो

दुर्मती रावण वाढत आहे

जागोजागी आडवा येतो

संस्कारांची जाणिव होता

राम मनातील जागा होतो

कुंभकर्ण निद्रिस्त कधीचा

शासक येथे झोपी जातो

सत्य नितीचा विजय पाहुनी

राम मनातील जागा होतो

वाटा येथे खारीचाही

बीभीषणही साथी होतो

धेय्य एक जर सत्शील सुंदर

राम मनातील जागा होतो

दुष्टांचे निर्दालन करण्या

आदर्शांची स्वप्ने बघतो

भजता भजता रामाला मग

राम मनातील जागा होतो

सौ. अर्चना मुरूगकर