मनमानसी

 

  महाभक्त श्रीरामाचा दास रामाचा मारूती रूप निस्सीम भक्तीचे महावीर महाबली रूप अजेय शक्तीचे हनुवटी भेदे वज्र शोभे नाम हनुमान पुत्र वायूचा चपळ जाणे संगित विद्वान देव साऱ्याच गावाचा असे लाडका बाळांचा जन्मताच ताम्रमुख शोभे प्रमुख कपिंचा गुण निरीच्छ वृत्तीचा महाभक्त श्रीरामाचा ठाई ठाई शोधे राम दूत नरेश रामाचा घ्यावा चापल्याचा गुण करू बळाची साधना असे गदाधारी वीर बांधी वाईट शक्तींना अर्चना मुरूगकर

  पादाकुलक ८+८ अक्षय गाथा या राष्ट्राची कणखर भूमी सांगे महती शूरवीर अन पराक्रमाची इतिहास असे सुवर्णाक्षरी अक्षय गाथा या राष्ट्राची धरा असे ही पुराणकालिन नगर सांगती कथा कुळांच्या देव नांदले याच धरेवर विठुमाऊली अन संतांच्या छत्रपतींच्या साम्राज्याचा मुलूख विजयी अभिमानाचा झेंडा लहरे स्वातंत्र्याचा नेत्यांचा नी सुधारकांचा भारतरत्ने शान आमुची कलाक्रीडेत दिसे निपुणता साहित्याचा होई आदर *गौरव होवो सदा वाढता* अर्चना मुरूगकर

 ८+८+४ वंशमणी मात्रा वृत्त तुझ्यात देव दिसला कोरोनाचे आहे आता दडपण पेटलेलेच दिसते आहे स्मशान लोकांसाठी कुठे जीवनच अर्पण वडिलच करती पोरासाठी तर्पण स्तब्धच आहे सारे आता शिक्षण कळले आता जीवनच खरे शिक्षण कंठाशी बघ आले सारे प्राणच श्रेष्ठत्व तुझे नाही आता मानच विश्वासाच्या भावाने रे जग तू सामर्थ्याचे सोने कर रे मग तू अहंपणाची झूल सोड तू आता पराधीनत्व मान स्वत:चे आता फक्त मानवा तुझ्यात देव दिसला गरजवंतास तोच कामी आला अर्चना मुरुगकर🙏🥀

 लवंगलता ८+८+८+४ इप्सित सारे त्याला मिळते रात्रीला जो घाबरला तो कधीच उठला नाही स्वप्न पाहतो जो दिवसाचे कधीच निजला नाही संघर्षाला टाळत जातो कधीच घडला नाही त्यानंतर ते पिकती मोती त्याला कळले नाही संकटसमयी खचला नाही धैर्याने जो लढतो दिस सोनेरी झळाळणारे तोच यशाचे बघतो घाव घणाचे सोसत जगण्या असे तयारी ज्याची यशस्वितेच्या माळेने मग होई तृप्तता त्याची मानवतेच्या कठीण मार्गे जो चालत जाई द्वेषाचे मग जहाल विष ते नच वाट्याला येई आत्मविश्वास ज्याच्या अंगी कष्टास घाबरत नाही दिन सौख्याचे तोच पाहतो यशात डुंबत राही मूल्य जपूनी सराव  करतो मैदानावर खेळत निखळ आनंद साफल्याचा राही त्यांच्या सोबत अभ्यास गिरवतो एकाग्रचित्ती निष्ठेने जो प्रार्थी इप्सित सारे त्याला मिळते टळे पसारा स्वार्थी अर्चना मुरुगकर🙏🥀

  8+8+8+2) चंद्रकांता उदास वाटे रे पाहून तुला  दिवस लोटले मनास लागे रे आठवणींच्या चित्रफितीने  उदास वाटे रे राणी माझी उदास गल्ल्या उदास वाटा गं भक्तच नसता राऊळ सुने उदास वाटा गं चोरुन बघशी हळूच मजला माझी राधा गं नेत्र कटाक्षे फुलून येती साऱ्या बागा गं कृष्णसावळ्या अंत पहातो उगाच माझा तू?   दूराव्याने नकोस घेऊ प्राणच माझे तू?  सखेसाजणे पहा जराशी तुझ्यासंगे मी हृदयकंपने जपे उराशी श्वासासंगे मी अर्चना मुरुगकर

 पादाकुलक (८+८)  विदीर्ण मने उगा आठवण तुझी पुन्हा रे उदास होई सांज सावळी आर्त वेदना चिरत जातसे भासांची मग बने साखळी कृष्णासंगे प्रेमापायी वेडी बनली ,राधाराणी गोकुळ प्रांती, वेशीवरती मागे ठेवी, सारी गाणी अनुभूतीच्या झोक्यावरती स्पर्श मनाचे मनास कळती अंतर बिंतर सारे खोटे क्षणात सारे भाव समजती प्रेम आपले, चिरतरुण हे गाई गाणी, सुखद क्षणांची फिकीर त्याला, नसे कधीही दुरावलेल्या, त्या जगतांची कुढण्याचेही दिवस संपले नवीन नाती नवे तराणे जीवनमार्गी फुले फुलोरा लपवत जावी, विदीर्ण मने.  अर्चना मुरूगकर 🙏🌹